![ss](/sites/default/files/styles/flexslider_full/public/2023-09/football%2006.jpeg?itok=INUTIL64)
कैलालीको कैलारी गाउँपालिका वडा नम्बर ४ के गाउँमा भईरहेको २४ औं निसर्ग हस्पिटल महिला तथा पुरुष फुटबल प्रतियोगितामा महिला तर्फ पटेला स्मार्ट क्लब सेमिफाईनल प्रवेश गरेको छ ।
![](https://khabarkunj.com/sites/default/files/2022-11/nisarg.gif)
न्यु युवा सुन्दर शक्ती युवा क्लबको आयोजनामा थारु समुदायको पर्व अटवारी र हिन्दु नारीहरुको पर्व हरितालिका तिजको अवसरमा भईरहेको महिला तथा पुरुष फुटबल प्रतियोगिता अन्तर्गत महिला तर्फ लालझाडी ११ लाई फराकिलो अन्तरले हराउँदै पटेला स्मार्ट सेमिफाईनलमा पुगेको हो । पटेलाले लालझाडीलाई ८–० ले हराएको हो ।
![](https://khabarkunj.com/sites/default/files/2022-11/SARATHI-HOSPITAL-FINAL_1.gif)
![](https://khabarkunj.com/sites/default/files/2022-11/maya-metro.gif)
![](https://khabarkunj.com/sites/default/files/2021-02/SANDAR-MOMO-AD.gif)
पुरुष तर्फको खेलमा भने नेपाल पुलिस र सिआर सेभेन विजयी भएका छन् । नेपाल पुलिस क्लबले कालिका युवा क्लबलाई टाईब्रेकरमा हराएको हो । निर्धारित समय दुबै टोलीले एक एकको बराबरी खेलेपछि टाईब्रेकरणमा नेपाल पुलिस ५–४ ले विजयी भयो । पुरुष तर्फकै अर्को खेलमा सिआर सेभेन क्लब विजयी भएको छ । सिआर सेभेनले जनजागृति युवा क्लबलाई २–१ ले हरायो ।
नकआउटका आधारमा भईरहेको प्रतियोगिताको पुरुष तर्फ २५ टीमको सहभागीता रहेको छ भने महिला तर्फ ६ टीमको सहभागीता रहेको छ । पुरुष तर्फको विजेताले नगद एक लाख सहित ट्रफी र उपविजेताले नगद ५० हजार सहित ट्रफी पाउने क्लबका अध्यक्ष बृक्षलाल चौधरीले जानकारी दिनुभयो । यस्तै महिला तर्फको विजेताले नगद २५ हजार सहित ट्रफी र उपविजेताले नगद १५ हजार सहित ट्रफी पाउने छन् ।
![](https://khabarkunj.com/sites/default/files/2022-11/maya.gif)
![](https://khabarkunj.com/sites/default/files/2021-01/GHARAHA-CHULO_0.gif)
प्रतियोगिता असोज ३ गतेसम्म आयोजना हुनेछ । प्रतियोगिताको मुख्य प्रबद्र्धकमा कैलारी गाउँपालिका र सहप्रबद्र्धकमा कैलारी गाउँपालिका वडा नम्बर ४ को कार्यालय तथा मुख्य प्रायोजकमा धनगढीमा रहेको निसर्ग हस्पिटल एण्ड रिसर्च सेन्टर रहेको छ । वि.स. २०५७ सालदेखि न्यु युवा सुन्दर शक्ती युवा क्लबले अटवारी र तिजको अवसरमा फुटबल प्रतियोगिताका साथै मेलाको आयोजना गर्दै आएको छ ।
![](https://khabarkunj.com/sites/default/files/2021-01/SAMAR-MEDICAL-HALL.gif)