धनगढीमा अक्सिजन प्लान्ट स्थापना गर्न सुदूरपश्चिमाञ्चल क्याम्पसका प्राध्यापक र कर्मचारीले आर्थिक सहयोग गरेका छन् । मेयर कल्याणकारी कोषमा उनीहरुले एक लाख पाँच हजार रकम जम्मा गरेका हुन ।  क्याम्पस प्रमुख कटक जप्रेल र सहायक क्याम्पस प्रमुख उत्तमसिंह भण्डारीले  उक्त रकम हस्तान्तरण गरे ।

क्याम्पसका प्राध्यापक, कर्मचारीले संकलन गरेको रकमा क्याम्पसले पनि थपेको थियो । धनगढी उपमहानगरपालिका र चौधरी ग्रुपले धनगढीमा अक्सिजन प्लान्ट जडान र अक्सिजन सिलिण्डर व्यवस्थापनका लागि अभियान सुरु गरेका थिए । विभिन्न व्यक्ति र संस्थाले अभियानमा सहयोग गरेका छन् ।