कैलालीको घोडाघोडी नगरपालिकामा शनिबार राति भएको सवारी दुर्घटनामा परी दुई जनाको मृत्यु भएको छ । घोडाघोडी नगरपालिका वडा नम्बर १० पहलमानपुरमा ट्याक्टर र मोटरसाइकल आपसमा ठोक्किएर दुर्घटना हुँदा २ जनाको मृत्यु भएको हो ।
शनिबार राति ११ बजे पहलमानपुर स्थित पूर्व–पश्चिम राजमार्गमा पश्चिमबाट पूर्व गईरहेको म १ त ५४२ नम्बरको ट्रेक्टर र सोही दिशातर्फ गईरहेको बा ९१ प ४०४ नम्बरको मोटरसाइकल आपसमा ठोक्किदा २ जनाको मृत्यु भएको जिल्ला प्रहरी कार्यालय कैलालीका प्रहरी नायव उपरीक्षक प्रतीक बिष्टले जानकारी दिए ।
दुर्घटनामा परी मृत्यु हुनेमा घोडाघोडी नगरपालिका वडा नम्बर १० का २३ वर्षीय गोविन्द बुढा र १८ वर्षीय मानबहादुर बुढा रहेका छन् । दुर्घटनापछि गम्भीर घाइते भएका उनीहरुको स्थानीय घोडाघोडी अस्पतालमा उपचारको क्रममा मृत्यु भएको प्रहरीले जनाएको छ ।
ट्याक्टर चालक घोडाघोडी नगरपालिका वडा नम्बर ५ का २१ रामसिंह चौधरी सहित ट्याक्टर र मोटरसाइकल ईलाका प्रहरी कार्यालय सुखडको नियन्त्रणमा रहेको छ ।
सम्बन्धित वर्गका समाचारहरू
