नेपालमा कोभिड-१९ विरुद्धको पहिलो मात्रा लगाउनेको संख्या २६ लाखभन्दा बढी पुगेको छ । स्वास्थ्य तथा जनसंख्या मन्त्रालयका अनुसार शुक्रबारसम्म दुवै डोज खोप लगाउनेको संख्या २६ लाख ४ हजार ८६६ पुगेको छ ।

जसमध्ये कोभिशिल्डको पहिलो डोज लगाउनेको संख्या १८ लाख २८ हजार ४८४ छ भने दुवै डोज लगाउनेको संख्या ४ लाख ५९ हजार ६२५ रहेको छ । यस्तै भेरोसेलको पहिलो डोज लगाउनेको संख्या ७ लाख ७६ हजार ३८२ र दुवै डोज लगाउनेको संख्या २ लाख ९८ हजार १० रहेको छ ।

कुन प्रदेशमा कति–कति जनाले लगाएको खोप ?

मन्त्रालयका अनुसार सबैभन्दा बढी कोभिड–१९ विरुद्धको खोप लगाउने प्रदेश बागमती प्रदेश रहेको छ । यो प्रदेशमा कोभिशिल्ड र भेरोसेलको पहिलो मात्रा लगाउने संख्या ८ लाख ९० हजार ५० छ भने दुवै डोज लगाउने संख्या ४ लाख ५९ हजार ५८४ छ ।

प्रदेश १ मा कोभिशिल्डको पहिलो डोज लगाउने संख्या ३ लाख ७ हजार १८६ र दुवै डोज लगाउने संख्या ५२ हजार ८२५ छ । यस्तै भेरोसेलको पहिलो डोज लगाउने ६८ हजार ९०८ र दुवै डोज लगाउने ३२८ जना छन् ।

प्रदेश २ मा कोभिशिल्डको पहिलो डोज लगाउनेको संख्या ३२ हजार ५३२ र दुवै डोज लगाउनेको ४६ हजार १५८ रहेको छ भने भेरोसेलको पहिलो डोज लगाउने ६९ हजार ७८३ र दुवै डोज लगाउने १ हजार ६८८ जना छन् ।यसैगरी गण्डकी प्रदेशमा कोभिशिल्डको पहिलो डोज लगाउने १ लाख ८७ हजार ९७४ र दुवै डोज लगाउने ४९ हजार ६११ जना छन् । गण्डकीमा भेरोसेलको पहिलो डोज लगाउनेको ३१ हजार ७० तथा दुवै डोज लगाउनेको संख्या १ हजार ७०८ रहेको छ ।

लुम्बिनी प्रदेशमा कोभिशिल्डको पहिलो डोज लगाउने २ लाख ७८ हजार ४७६ र दुवै डोज लगाउने ८४ हजार १२४ तथा भेरोसेलको पहिलो डोज लगाउने ७४ हजार ३५८ र दोस्रो डोज लगाउने १ हजार ६ छन् ।

यसैगरी कर्णाली प्रदेशमा कोभिशिल्डको पहिलो डोज लगाउने १ लाख ७ हजार ३२८ र दुवै डोज लगाउने २८ हजार ८४८ जना रहेका छन् भने भेरोसेलको पहिलो डोज लगाउने २२ हजार ५७० र दुवै डोज लगाउने ४१५ जना छन् ।

यसैगरी सुदूरपश्चिम प्रदेशमा कोभिशिल्डको पहिलो डोज लगाउनेको संख्या २ लाख ५ हजार ५०६ र दुवै डोज लगाउनेको संख्या ३७ हजार ९०६ रहेको छ । सुदूरपश्चिममा भेरोसेलको पहिलो डोज लगाउने ४१ हजार १२५ तथा दुवै डोज लगाउने ५२४ जना छन् ।