दार्चुलाको त्रिदेशीय सीमा क्षेत्र रहेको व्याँस गाउँपालिकाको वडा नम्बर १ को छांगरु र तिंकरमा नेपाल प्रहरीका डिआईजी प्रकाश अधिकारी नेतृत्वको टोलीले निरीक्षण गरेका छन् । भारतको अतिक्रमित क्षेत्र नजिकै बस्ने नेपाल प्रहरीको अहिलेको अवस्थाबारे जानकारी लिन निरीक्षण गरेका हुन् । 

अहिले नेपाल प्रहरीको सीतापूलमा प्रहरीको भवन निर्माण सुरु हुँदै छ । भवन निर्माणको अवस्था, प्रहरीले भोग्नु परेको समस्याबारे जानकारी लिन पहिलो पटक डिआईजी अधिकारी तिंकर प्रहरी चौकी पुगेका हुन् ।

निरीक्षणको क्रममा डिआइजी अधिकारीले सीमा क्षेत्रका नागरिकको शान्ति सुरक्षा कायम गर्न प्रहरी सक्षम रहेको बताए । कठिन परिस्थितिमा पनि प्रहरीले जनताको सेवामा खटिनुपर्ने भन्दै उच्च मनोबलका साथ काम गर्न प्रहरीलाई निर्देशन दिए ।