सुदूरपश्चिम प्रदेश सरकारले आगामी आर्थिक वर्ष २०७८/७९ को बजेट आज  (मंगलबार) ल्याउदैछ । प्रदेश सरकारले आगामी आर्थिक बर्षका लागि ल्याउने बजेट २९ अर्ब रुपैयाँको हाराहारीमा हुने आर्थिक मामिला तथा योजना मन्त्रालयले जनाएको छ ।

प्रदेश सरकारले आगामी आर्थिक बर्ष ०७८/७९ का लागि ल्याउन लागेको बजेट चालू आर्थिक बर्षभन्दा  कम आकारको हुने जनाईएको छ । प्रदेश सरकारले चालु आव २०७७/७८ मा साढे ३३ अर्ब रुपैयाँको बजेट ल्याएको थियो । मन्त्रालयका अनुसार आव २०७८÷७९ को बजेट २८ देखि २९ अर्बका बीचमा आउने छ ।

आईतबारको प्रदेशसभा बैठकले नीति तथा कार्यक्रम पारित गरेसँगै प्रदेशको आर्थिक मामिला तथा योजना मन्त्रालयले आज (मंगलबार) अपराह्न ४ बजे बस्ने प्रदेशसभाको बैठकमा  बजेट पेस गर्दैछ ।