भीरबाट लडेर एक जना बेपत्ता भएका छन् । दुर्गाथली गाउँपालिका–३ का ४० वर्षीय मीनबहादुर धामी धउलावन भीरबाट लडेर बेपत्ता भएका छन्।

असार ३ गते बेलुका ६ बजे जेठाबुबा रामबहादुर धामीको मलामीबाट घर फर्कने क्रममा उनी भीरबाट लडेका थिए। उनी अहिलेसम्म नभेटिएको प्रहरीले बताएको छ।

खोजी कार्य जारी रहेको भए पनि भीर ठुलो र अफ्ठ्यारो भएकाले समस्या भएको बझाङका प्रमुख रुपक खड्काले बताए। हाल नेपाली सेना र नेपाल प्रहरीको टोलीले खोजिरहेको उनले बताए।