एसियाको दोस्रो लामो दोधारा–चाँदनी झोलुङ्गे पुलको मर्मत सम्भार गर्ने काम सुरु भएको छ । दोधारा–चाँदनी नगरपालिकाले मंगलवारदेखि पुल मर्मत सम्भारको काम थालेको नगर प्रवक्ता दिलबहादुर सिजालीले जानकारी दिए ।

मर्मत सम्भारको अभावमा पर्यटकीय आकर्षणको केन्द्र झोलुङ्गे पुल जीर्ण बन्दै गएको थियो । पुलका नटबोल्ट, प्लेट कस्ने लगायत मर्मत सम्भारको काम हुने प्रवक्ता सिजालीले बताए । उनका अनुसार पुलमा मर्मत सम्भारको काम भइरहेकाले दैनिक ६ घण्टा पुल भएर आवतजावत बन्द गरिएको छ ।

‘बिहान ६ बजेदेखि ९ बजेसम्म र १२ बजेदेखि ३ बजेसम्म पुलमा आवतजावत बन्द गरिएको छ । पुल मर्मतको काम दुई÷तीन दिनमा सकिन्छ ।’ उनले भने ।