डोटीमा जीपबाट खसेर एक बालिकाको मृत्यु भएको छ। दिपायलबाट डडेल्धुरा गइरहेको से१ज ७१६ नम्बरको जीपबाट खसेर डोटीको शिखर नगरपालिका-८ की १५ वर्षीया आशा विकको मृत्यु भएको प्रहरीले बताएको छ।

टाउकोमा चोट लागेर गम्भीर घाइते भएकी उनको डडेल्धुरा अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ। चालक डडेल्धुराको अमरगढी नगरपालिका (१ का ३० वर्षीय खडकबहादुर ऐर जीपसहित जिल्ला प्रहरी कार्यालय डडेल्धुराको नियन्त्रणमा रहेको बताइएको छ।