कञ्चनपुरमा भन्सार छली ल्याइएका २ लाख बढीका अवैध सामान बरामद गरिएको छ। सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत बोडर आउट पोष्ट दोधाराचाँदनी, जिमुवा र बयलबन्दाबाट खटीएको सीमा गस्ती तथा चेक प्वान्ट टोलीले अवैध रुपमा भन्सार छली ल्याइका सामान बरामद गरेको हो। 

२ लाख २३ हजार ३ सय ३० मुल्य बराबरका नायलन डोरी, मिठो सुपारी, नरिवल, डिजेल सहितको भारतिय मोटरसाइकल, स्कुटर, बिडी, सुर्ति, किराना सामान र ब्यालङकेट लगायत काठ बरामद गरिएको गणले जनाएको छ। बरामद गरिएका सामान आवश्यक कानूनी कारबाहीका लागि कञ्चनपुर भन्सार कार्यालय गड्डाचौकी र काठ शुक्लाफाँटा राष्ट्रिय निकुञ्जको दोधाराचाँदनी पोष्टमा बुझाइएको गणले बताएको छ।