कैलालीमा अवैध सालका काठ बरामद गरिएको छ । गएराति ९ बजेतिर जिल्लाको घोडाघोडी नगरपालिका– ५ सरैयाका प्रेम चौधरीको घर आंगनबाट काठ बरामद गरिएको जिल्ला प्रहरी कार्यालय कैलालीले जनाएको छ ।

गोप्य सुचनाको आधारमा उक्त स्थानमा ईलाका प्रहरी कार्यालय सुख्खडबाट खटिएको प्रहरी टोलीले सो काठ बरामद गरेको हो । तोरीको भुसाभित्र राखिएका सालको कडि ५० थान (४ फिट), ५ फिट र ७ फिटका गरि जम्मा २१ क्यु फिट काठ बरामद गरिएको जिल्ला प्रहरी कार्यालय कैलालीले जनाएको छ ।  बरामद गरिएको काठ आवश्यक कारबाहीका लागि वन डिभिजन कार्यालय पहलमानपुर पठाइएको छ । 

Edit Ad