कैलालीमा क्रेनसंग अटो ठोक्किँदा एक जना घइते भएका छन्।

जिल्लाको गोदावरी नगरपालिकास्थित पुर्वपश्चिमराजमार्गमा क्रेनसंग अटो ठोक्किएको प्रदेश ट्राफिक प्रहरी कार्यालय अत्तरियाले जनाएको छ। 

पुर्वबाट पश्चिम तर्फ आउँदै गरेको से १ ह १९३१ नम्बरको अटो विपरित दिशाबाट आइरहेको सुपप्र ०१००१ झ १८५९ नम्बरको क्रेनसंग ठोक्किएको हो।

दुर्घटनामा गोदावरी नगरपालिका वडा नम्बर ७ विजयनगरका ३२ वर्षीय भरत औजी घाइते भएको प्रहरीले जनाएको छ।

घाइते उनलाई उपचारका लागि धनगढी पठाइएको छ। मुखमा चोट लागेको बताइएको छ भने उनको अवस्था सामान्य रहेको छ। 

Edit Ad

अटोमा भने पुर्ण क्षती भएको प्रहरीले जनाएको छ। क्रेन चालक सहित अटो इलाका प्रहरी कार्यालय मालाखेतीको नियन्त्रणमा छ।