धनगढीमा जन्ती बोकेको ट्याक्टर दुर्घटना भएको छ । प्रहरीका अनुसार बिहीबार राति धनगढी उपमहानगरपालिका–१४ ‘सि’ गाउँमा सु प प्र ०१०२ त ५३७२ नम्बरको जन्ती बोकेको ट्याक्टर दुर्घटना भएको हो ।

मनहेराबाट जन्ती बोकेर हसुलिया जाने क्रममा ट्याक्टर पल्टिएको जिल्ला ट्राफिक प्रहरी कार्यालय धनगढीले जनाएको छ । दुर्घटनामा सात जना घाइते भएका छन् ।

सोमध्ये चारको अवस्था मध्यम र तीनको अवस्था सामान्य रहेको प्रहरीले जनाएको छ । चालक र ट्याक्टर जिल्ला प्रहरी कार्यालय कैलालीले नियन्त्रणमा लिएको जनाएको छ ।