कञ्चनपुरमा जुवा खालबाट ८ जना पक्राउ परेका छन्। आइतबार भीमदत्त नगरपालिका- ४ बसपार्क स्थित वीरेन्द्र सिंहले सञ्चालन गरेको होटेलबाट ८ जनालाई ७९ हजार ५ सय ९५ रुपैयाँ र एक गड्डी तास सहित पक्राउ गरिएको प्रहरीले जनाएको छ।

जिल्ला प्रहरी कार्यालय कञ्चनपुरका अनुसार पक्राउ पर्नेमा भीमदत्त- ४ का ३० वर्षीय महेशसिंह धामी, २७ वर्षीय शिवासिंह बस्नेत, २३ वर्षीय खेमराज जोशी, २० वर्षीय भरत सिंह, वडा नम्बर १ का २८ वर्षीय केशव साउद, ३ का २९ वर्षीय राजेश पन्त, ४ का ३२ वर्षीय वीरेन्द्र सिंह र ८ का २६ वर्षीय चक्र चन्द रहेका छन्।