कञ्चनपुरमा डडेल्धुराका एक युवक मृत फेला परेका छन्। प्रहरीका अनुसार डडेल्धुराको परशुराम नगरपालिका-९ घर भएका २५ वर्षीय राजु धामी मृत फेला परेका हुन्।

वेदकोट नगरपालिका-३ दैजी चौराहास्थित लोकेन्द्रसिंह रोकायाको घरमा भाडामा बस्दै आएका उनी पङ्खामा झुण्डिएको अवस्थामा मृत फेला परेका जिल्ला प्रहरी कार्यालय कञ्चनपुरले जनाएको छ।

उनी दैजीमा काका क्याफे एण्ड होटेल लज सञ्चालन गर्दै आएका बताइएको छ। उनको शव अहिले महाकाली अस्पतालमा राखिएको र घटनाबारे अनुसन्धान भइरहेको प्रहरीले बताएको छ।