बाजुराको धुलाचौरमा नेपाली कांग्रेस र एमालेका कार्यकर्ताबीच झडप भएको छ । मतपेटिका संकलन गर्ने क्रममा तीन मतपेटिकाको सिल तोडिएको विषयमा विवाद हुँदा झडप भएको हो ।

एमालेका कार्यकर्ताहरूले कांग्रेसका कार्यकर्ताहरूलाई सिल तोडेको आरोप लगाउँदा झडपले उग्र रूप लिएको जिल्ला प्रशासन कार्यालय बाजुराका प्रमुख जिल्ला अधिकारी उपेन्द्रराज पौड्यालले जानकारी दिए ।  

प्रहरीले झडप नियन्त्रणमा लिन ९ राउन्ड हवाई फायर गर्नुपरेको थियो । घटनास्थलमा प्रहरी तैनाथ छ ।