सुदूरपश्चिम प्रदेशको महाकालीसँगै देशका केही स–साना नदीहरूमा आज पानीको बहाव बढ्ने पूर्वानुमान छ।

अबका तीन दिनसम्म प्रमुख नदीहरू कोसी, नारायणी, कर्णाली, महाकाली, कन्काई, कमला, वाग्मती, बबई, पश्चिम राप्ती र यसका सहायक नदीहरूको बहाव सामान्य मात्र बढ्ने  जल तथा मौसम विज्ञान विभागअन्तर्गतको बाढी पूर्वानुमान महाशाखाले जनाएको छ। 

यस्तै इलाम, पाँचथर, संखुवासभा, दोलखा, लमजुङ, कास्की र आसपास भई बहने स–साना नदीहरूमा बहाव बढ्ने पूर्वानुमान छ।  महाशाखाले उक्त जिल्ला भई बहने स–साना नदीहरूका तटीय क्षेत्रमा सामान्य सतर्कता अपनाउन आग्रह गरेको छ।