७ दिनमा कोरोना सञ्चो बनाउने औषधि ल्याएको पतञ्जलीको दावी
2020/06/23, 4:11
 
baba ramdev

 

योग गुरु बाबा रामदेवले ७ दिनमा कोरोना भाइरस ठिक पार्ने बनाउने औषधि ल्याएको दावी गरेका छन् । उनले पतञ्जली योगपीठले तयार गरेको कोरोनिल नामक औषधी लञ्च गरेका छन् । शरीरको प्रतिरोध क्षमता बढाउने गिलोय, तुलसी र अश्वगन्धा कोरोनिलमा रहेको रामदेवले बताएका छन् । उक्त औषधीले अन्य गम्भीर बिरामीबाट बचाउने समेत दाबी गरिएको छ ।

भारतीय सञ्चार माध्यमका अनुसार रामदेवले कोरोनिलको क्लिनिकल केस स्टडीमा २८० बिरामीलाई सामेल गरिएको दावी गरेका छन् । १०० जनामाथि यसको क्लिनिकल ट्रायल गरिएको थियो । यो औषधी दिइएको ३ दिनपछि ६९ प्रतिशत बिरामी पोजेटिभबाट नेगेटिभ भएका थिए भने ७ दिनभित्र शतप्रतिशत बिरामी निको भएका थिए । यसमा मृत्युदर शुन्य प्रतिशत रहेको थियो ।