भारतले धौलीगङ्गा जलविद्युत् परियोजना बाँधको ढोका खोलेको छ। आयोजनाको नहर सफाइ गर्न शुक्रबार बिहान ५ बजेदेखि बेलुका ८ बजेसम्मका लागि बाँध खोलिएको हो।

बाँध खोलिएसँगै आज दिनभर महाकाली नदीको बहाव बढ्ने भएकाले नदी आसपासमा विशेष सतर्कता अपनाउन जिल्ला प्रशासन कार्यालय दार्चुलाले आग्रह गरेको छ। नदी किनारमा नजान र तटीय क्षेत्रमा विशेष ख्याल गर्न अनुरोध गरिएको हो।

भारतले बाँधमा पानीको मात्रा बढ्ने भएकाले बेलाबेला सरसफाइ गर्ने गरेको छ। दार्चुला र धार्चुलाबाट लगभग १८ किलोमिटर उत्तर–पश्चिममा भारतले धौलीगंगा नदीमा जलविद्युत उत्पादनका लागि बनाइएको बाँधबाट २८० मेगावाटको विद्युत उत्पादन भइरहेको छ।