दार्चुला- महाकाली नदीमा पानीको बहाव नघट्दा दार्जुलाको महाकाली नगरपालिका र नौगाडा गाउँपालिकामा बेपत्ताको खोजी कार्यमा समस्या आएको छ। 

बाढीपहिरोका कारण ५ जनाको मृत्यु भएको थियो भने १० जना बेपत्ता रहेका छन्। जिल्ला प्रहरी कार्यालय दार्चुलाका प्रहरी निरीक्षक लोकेन्द्र सिंहले महाकालीको पानीको बहाव नघट्दा खोजी कार्यमा समस्या भएको बताए।

नेपाल प्रहरी, सशस्त्र प्रहरी र नेपाली सेनाको संयुक्त टोली खोजी कार्यमा खटिएका छन्।