धनगढी- सुदूरपश्चिम प्रदेशका मुख्यमन्त्री त्रिलोचन भट्टले सहरमा दुई चार जनाले कुरा काटेर खासै फरक नपर्ने टिप्पणी गरेका छन् ।

संविधान दिवसका अवसरमा सोमबार धनगढीमा आयोजना गरिएको कार्यक्रमलाई सम्बोधन गर्दै सहरमा कुरा काट्दैमा फरक नपर्ने दाबी गर्दै गाउँमा विकासको लहर छाएको दाबी गरे । प्रदेश सरकार आएपछि गाउँ गाउँमा विकास भएको बताउदै उनले प्रदेश सरकारको काम गाउँमै देखिएको जिकिर गरे ।

‘एकात्मक शासन व्यवस्था हुँदा र प्रदेश सरकार बनेपछि के परिवर्तन भयो भन्ने कुरा गाउँमा गएर हेर्दा देखिन्छ,’ उनले भने, ‘सहरमा दुई चार जनाले कुरा काटेर हुँदैन, परिवर्तन भएको पनि देख्नु पर्दछ ।’