धनगढी-  धनगढीमा आईतबार देखि नमुना आयल स्टोर संचालनमा आएको छ । धनगढी उपमहानगरपालिका १५ कनरी हुलाकी राजमार्गमा सुदुरपश्चिम प्रदेशमा पहिलोपटक नमुना पेट्रोल पम्प संचालनमा आएको हो ।

युवा ब्यबसायी जय ठाकुरले ज्योति आयल स्टोर संचालनमा ल्याएका हुन । आयल स्टोरको संचालक ठाकुरका बुबा जटेश्वर ठाकुर र परिवारका सदस्यले उदघाटन गरेका छन । करिब ४ करोडको लगानीमा पेट्रोल पम्प संचालनमा आएको संचालक जय ठाकुरले बताए ।

उनले करिब एक बिगाहा क्षेत्रफलमा पम्प संचालनमा ल्याएको बताए । पम्पमा डिजेल तथा पेट्रोलका साथै छिट्टै गाडी धुने, हावा भर्ने, इलेक्ट्रोनिक गाडी चार्ज गर्ने सुबिधाका साथै रेस्टुरेन्ट लगायतका सुबिधा संचालनमा आउने बताए ।