कैलालीस्थित टीकापुर घटनामा मृत्यु भएका २ वर्षीय बालक टेकबहादुर साउदको सालिक निर्माण गरिने भएको छ। उनको २०७२ भदौं ७ गतेको घटनामा मृत्यु भएको थियो।
ती बालकको टीकापुर नगरपालिका–१ स्थित टेकबहादुर साउद स्मृति पार्कमा सालिक निर्माण गरिने प्रतिनिधिसभा सदस्य रन्जिता श्रेष्ठले बताइन्। उनी नागरिक उन्मुक्ति पार्टीकी केन्द्रीय अध्यक्षसमेत हुन्। भर्खरै सम्पन्न निर्वाचनमा उनी क्षेत्र १ बाट संघीय सांसदमा निर्वाचित भएकी छन्।
निर्वाचित भए लगत्तै बालकका अभिभावकलाई भेटेर उनले सालिक बनाइने बताइन्। २०७२ मा जारी भएको संविधानमा आफ्ना अधिकारको माग गर्दै भइरहेको आन्दोलन हिंसात्मक बन्दा एसएसपीसहित ७ सुरक्षाकर्मी र एक बालकको मृत्यु भएको थियो।
घटनाको आरोपमा रेशम चौधरी कारागारमा छन्। उनकै योजनामा स्थापना भएको नागरिक उन्मुक्ति अहिले कैलालीमा १ नम्बर पार्टी बनेको छ।
सम्बन्धित वर्गका समाचारहरू
