सुदूरपश्चिममा सोमवार एक सय २६ जनामा कोरोना पुष्टि भएसँगै सुदुरपश्चिममा कोरोना संक्रमितको संख्या दुई हजार चार ३५ जना पुगेको छ । शिक्षण अस्पताल काठमाडौं, कर्णाली स्वास्थ्य विज्ञान प्रतिष्ठान जुम्ला, धनगढी प्रयोगशाला र भरतपुर अस्पतालको प्रयोगशालामा भएको परीक्षणमा एक सय २६ जनामा कोरोना पुष्टि भएसँगै संक्रमित साढे चौविस सय पुगेको हो । 

अहिलेसम्म सबैभन्दा बढी कैलालीका छ सय सात जनामा कोरोना पुष्टि भएको छ । यस्तै बाजुराका चार सय १६, डोटीमा चार सय २५, कञ्चनपुरमा तीन सय सात, डडेल्धुरामा दुई सय २८, बैतडीमा दुई सय १७, अछामका एक सय ३९, बझाङमा ७९ र दार्चुलामा १७ जनामा कोरोना पुष्टि भएको छ ।

पुष्टि भएका ६ जनाको मृत्यु भईसकेको छ भने तीन सय ६७ जना विभिन्न अस्पतालबाट डिस्चार्ज भएका छन् ।