दार्चुला - दार्चुलामा साइकल भीरबाट खस्दा दुई जना विद्यार्थी घाइते भएका छन्। महाकाली नगरपालिका– ९ स्थित सकारको भीरमा शनिवार साइकल खस्दा सवार दुई जना विद्यार्थी घाइते भएका हुन्। घाइते हुनेमा नौगाड गाउँपालिका–६ का १८ वर्षीय बिरेन्द्र ठगुन्ना र महाकाली नगरपालिका–६ का १७ वर्षीय भाष्कर भाट रहेको जिल्ला प्रहरी कार्यालय दार्चुलाले जनाएको छ।

बिरेन्द्र ठगुन्नालाई जिल्ला अस्पताल दार्चुलामा उपचारपछि घर पठाइएको छ भने भाष्कर भाटलाई गम्भीर चोट लागेकाले थप उपचारका लागि भारतको पिथौरागढ रेफर गरिएको छ। दुबै जना एकै साइकलमा सवार रहेको र साइकल सडकबाट अन्दाजी ४० मिटर तल महाकाली नदीमा खसेको प्रहरीले जनाएको छ। उनी मालिकार्जुन नमूना माध्यामिक विद्यालय धापमा अध्ययनरत विद्यार्थी रहेका छन्।