बैतडीमा पासोमा फसेको चितुवा पासो चुँडालेर भागेको छ । सिगास गाउँपालिका ९ भौतीमा किसानहरुले आलुबारीमा दुम्सीका लागि थापेको पासोमा परेको चितुवा पासो चुँडालेर भागेको हो ।

डिभिजन वन कार्यालयका अनुसार चितुवाको एक खुट्टा मात्रै पासोमा परेको र पासो चुँडालेर भागेको छ । चितुवा पासोमा फसेको जानकारी आएपछि शुक्लाफाँटा राष्ट्रिय निकुञ्जबाट समेत टोली बैतडीका लागि हिँडेको थियो ।

पासोमा फसेको चितुवा भागेपछि राष्ट्रिय निकुञ्जको टोली बाटोबाटै फर्किएको छ ।