कञ्चनपुरमा ठूलो परिणामको लागुऔषध खैरो हेरोईनसहित युवकलाई पक्राउ गरिएको छ । भीमदत्त नगरपालिका- ४ बसपार्कबाट ३४ दशमलव १ ग्राम खैरो हेरोईनसहित सोही नगरपालिका-१५ निम्बुखेडा बस्ने ३० वर्षीय भुवन शाहुलाई पक्राउ गरिएको प्रहरीले जनाएको छ ।

जिल्ला प्रहरी कार्यालयकाअनुसार विशेष सूचनाका आधारमा लागुऔषध नियन्त्रण ब्युरो शाखा महेन्द्रनगरका प्रहरी वरिष्ठ नायब निरीक्षक केशबराज जोशीको नेतृत्वको टोलीले  शाहुलाई पक्राउ गरेको हो ।

उनको साथबाट नगद ८ हजार रूपैयाँ र मोबाइल समेत बरामद गरिएको छ । शाहुलाई जिल्ला प्रहरी कार्यालयले नियन्त्रणमा लिएर थप अनुसन्धान गरिरहेको जनाएको छ ।