सुदुरपश्चिममा कोरोना संक्रमितको संख्या चार हजार ९ जना पुगेको छ । शुक्रवार ९ जना थप भएसँगै संक्रमित चार हजार नौ पुगेका हुन् । संक्रमित मध्ये एक हजार ६ सय बढि डिस्चार्ज भईसकेका छन् भने ८ जनाको मृत्यु भईसकेको छ ।

सुदूरपश्चिममा शुक्रबार नौँ जनामा कोरोना पुष्टि भएको थियो । धनगढी प्रयोगशालामा ६ र डडेल्धुरा प्रयोगशालामा तीन गरी नौँ जनामा कोरोना पुष्टि भएको थियो ।

स्वास्थ्य तथा जनसंख्या मन्त्रालयका अनुसार सबैभन्दा बढी कैलालीमा नौँ सय ४७, अछाममा ६ सय ४५, बाजुरामा ६ सय १६, डोटीमा पाँच सय ७९, कञ्चनपुरमा चार सय ६२, डडेल्धुरामा दुई सय ९३, बैतडीमा दुई सय ७६, बझाङमा एक सय ७१ र दार्चुलामा २० जनामा कोरोना पुष्टि भएको छ ।