डडेल्धुरा अस्पताल भर्ना भएकी महिलालाई श्वासप्रश्वासमा समस्यामा देखिएपछि धनगढी ल्यादै गर्दा मृत्यु भएको छ । जिल्लाको गन्यापधुरा गाउँपालिका वडा नम्बर ३ की  ३८ वर्षीया महिलालाई श्वास प्रश्वासमा समस्या देखिएपछि डडेल्धुरा अस्पताल भर्ना भएकी थिईन् ।

तर डडेल्धुरामा उपचार सम्भव नभएको भन्दै धनगढी रेफर गरिएकी महिलाको सेती अस्पताल ल्याउँदै गर्दा बाटोमै मृत्यु भएको जिल्ला प्रहरी कार्यालय कैलालीका सह–प्रवक्ता प्रहरी निरिक्षक हिक्मत थापाले जानकारी दिए ।

महिलाको शव सेती प्रादेशिक अस्पतालको शव गृहमा राखिएको छ । उनको कोरोना परीक्षण गरिने भएको छ । सेती अस्पतालका सूचना अधिकारी दिलिप कुमार श्रेष्ठले मृतकको स्वाब संकलन गरेर परीक्षण गरिने जानकारी दिए ।