नेपाल विद्युत प्राधिकरणको कार्यकारी निर्देशकमा फेरि पनि कुलमान घिसिङ नै हुनुपर्ने माग राख्दै डडेल्धुरामा राँके जुलुस प्रदर्शन गरिएको छ । नेपाल विद्यार्थी संघ, डडेल्धुराले ’उज्यालो नेपाल’ बनाउन घिसिङ सफल भएकाले पुनः नियुक्त गर्न सरकारलाई दबाब दिने उद्देश्यले डडेल्धुरा सदरमुकाममा आइतबार साँझ राँके जुलुस निकालेको हो । 

’नेपाली जनता के भन्छ, कुलमान घिसिङ ल्याऔं भन्छ’, ’अरु आए अन्धकार, कुलमान आए चमत्कार’ लगायतका नारा लगाउदै नेवि संघ डडेल्धुराले प्रर्दशन गरेको हो । राँके जुलुस निकालेको केही समयमा नै प्रहरीले रोकेको थियो ।

प्रदर्शनपछि भीमदत्त चोकमा कोणसभा गरिएको छ । कोणसभामा बोल्दै नेवि संघका नेता जगत ऐरले कुलमान घिसिङ पुनः नियुक्त नभए नेवि संघ डडेल्धुरा थप आन्दोलित हुने बताए ।