सुदूरपश्चिम प्रदेशका थप २० जनामा कोरोना संक्रमण पुष्टि भएको छ । डडेल्धुरा अस्पतालको प्रयोगशालामा पछिल्लो २४ घण्टामा १ सय ८ जनाको कोरोना परीक्षण भएकोमा थप २० जनामा संक्रमण पुष्टि भएको हो ।

अस्पतालका मेडिकल ल्याब टेक्नोलोजिष्ट जिनी गणेजुले दिएको जानकारी अनुसार बझाङका १६ र डडेल्धुरका ४ जनामा कोरोना पुष्टि भएको छ ।  उनका अनुसार बझाङको जयपृथ्वि नगरपालिकाका ७, केदारस्यूँ गाउपालीकाका ४, मष्ठा गाउपालिकाका ३, बित्थडचीर गाउपालिका र छबिसपाथाभारा गाउपालिकाका १ / १ जनामा कोरोना पुष्टि भएको छ ।

त्यस्तै डडेल्धुरको अजयमेरु गाउपालिकाका ४ जनामा कोरोना पुष्टि भएको मेडिकल ल्याब टेक्नोलोजिष्ट गणेजुले बताए ।