जिल्ला अस्पताल बझाङको प्रयोगशाला भएको परिक्षणमा थप २० जनामा कोरोना पुष्टि भएको छ । पछिल्लो २४ घण्टामा परिक्षण गरिएका १५९ नमुनाहरमध्ये २० मा संक्रमण पुष्टि भएको छ ।

भने अन्य फ्लोअपमा रहेका ४ जनामा पनि फेरी संक्रमण देखाएको छ । प्रयोगशाला इन्चार्ज नरेश खड्काले २० जना नयाँ संक्रमित र फ्लोअपमा रहेका अन्य ४ जनामा पनि फेरी संक्रमण देखिएको बताए ।

उनले जिल्ला प्रहरी कार्यालय बझाङका एकजना, खप्तडछान्ना गाउँपालिकाका दुईजना, तलकोट गाउँपालिकाका एकजना र मष्टा गाउँपालिकाका १६ जना नयाँ संक्रमित र ४ जना फ्लोअपमा रहेका व्यक्तिहरुको कोरोना पोजेटिभ देखिएको जानकारी दिए ।

परिक्षण गरिएका अन्य १३५ जनाको नतिजा नेगेटिभ आएको छ ।