गत शुक्रबार बाजुराको हिमाली गाउँपालिका–५ कवाडी खोलामा डुबेर बेपत्ता भएका मध्ये २ जनाको शव फेला परेको छ । आमा सहित एकै परिवारका ५ जना सदस्य असोज १६ गते कवाडी खोलामा डुबेर बेपत्ता भएका थिए । प्रहरीले खोजी गर्ने क्रममा शनिबार ४ बर्षिया छोरी सन्तोषी नेपाली  र आमा सत्ता नेपालीलाई आज फेला पारेको जिल्ला प्रहरी कार्यालय बाजुराका प्रमुख प्रहरी नायव उपरीक्षक (डिएसपी)  मदनजीत महराले बताए । 

फेला परेका मध्ये सन्तोषीलाई डुबेको ठाउँ भन्दा १० किलोमीटर पर र सत्तालाई ३ किलोमीटर पर कर्णाली नदिको बिच भागमा रहेको काटेबगर भन्ने स्थानमा फेला परेको डिएसपी महराले बताए । बेपत्ता भएका छोरीहरु ५ वर्षीया आरती, १ वर्षीया किस्मती र २ वर्षीय छोरा सम्मान नेपालीको खोजीकार्य भइरहेको डिएसपी महराले बताए ।