कैलाली उद्योग वाणिज्य संघका अध्यक्ष पुष्पराज कँुवरको अगुवाईमा भारतबाट आएका सिमामा अलपत्र नागरिकहरुलाई खाद्यान्न तथा पानी वितरण गरिएको छ । गन्तव्यमा जान पर्खिनु परेका अलपत्र नेपालीहरुलाई सिमा मै पुगेर ३५ पेटी चाउचाउ र ४० पेटी पानी वितरण गरेको हो ।

वितरण गरिएको खाद्य सामाग्री लायन्स क्लब अफ धनगढी ग्रिन सिटी, सिद्धिबिनायक स्न्याक्स एन्ड न्युडल्सका प्रतिनिधि महेश फुलाराले उपलब्ध गराएका हुन् । लायन्सको २५ र सिद्धि बिनायकको १० गरि ३५ पेटी चाउचाउ वितरण गरिएको हो ।

यस्तै  उद्योग वाणिज्य संघका अध्यक्ष पुष्पराज कुँवर र कार्य समिति सदस्य महेन्द्रकुमार सिंहले ४० पेटी पानी उपलब्ध गराएका हुन । अध्यक्ष कुँवरले केही दिनदेखि दैनिक रुपमा सिमामै पुगेर राहत वितरण गर्दै आएका छन । उनले सामाजिक उत्तरदायित्व स्वरुप काम गरिरहेको बताए ।