कैलालीमा पूर्वपश्चिम राजमार्ग अन्तर्गत सुखड खण्ड बन्द गरिएको छ । मोटरसाइकललाई ठक्कर दिने बस व्यवसाय समितिका प्रतिनिधिहरू सम्पर्कमा नआएको भन्दै राजमार्ग बन्द गरिएको हो। बस समिति सम्पर्कमा आई वार्ता हुने वातावरण भए सडक खोल्ने उनीहरूको भनाई छ । 

बुधवार बसको ठक्करबाट मोटरसाइकलमा सावर लम्की चुहा नगरपालिका ९ की भागरथी रेग्मीको ज्यान गएको थियो । जिल्लाको बर्दगोरिया गाउँपालिका वडा नम्बर ४ मा पूर्व तर्फ जाँदै गरेको सुप प्र ०१००१ ख ३००९ नम्बरको बसले सोही दिशामा जाँदै गरेको से १ प ९५७ नम्बरको मोटरसाइकललाई ठक्कर दिएको हो । दुर्घटनामा घाइते भएका मोटरसाइकल चालक राम बहादुर चौधरीको भने अस्पतालमा उपचार भइरहेको छ ।

Edit Ad