धनगढीका सामाजिक अभियन्ता मदन भट्टले मानव सेवा आश्रम र दृष्टि फाउण्डेसनलाई न्याना कपडा वितरण वितरण गरेका छन् । छोरी खुसी र छोरा शुलभ सहित शुक्रबार आश्रम र फाउण्डेसनमै पुगेर जाडोको समयमा आवश्यक पर्ने ८३ थान कपडा वितरण गरेका हुन् ।

मानव सेवा आश्रममा ४३ र दृष्टि फाउण्डेसनमा ४० थान न्याना कपडाहरु वितरण गरिएका हुन् । छोराछोरीलाई पनि सामाजिक कामहरुमा अग्रसर गराउनका लागि भट्टले आफ्ना दुबै सन्ततिलाई सँगै लगेको बताए । 

दुबै वेसहाराहरुलाई सहयोग गर्दै आएका संस्थाहरुमा ६० हजारभन्दा मुल्यका कपडाहरु वितरण गरिएका हुन् ।  जाडोको समय आफुले गरेको सहयोगले वेसहाराहरुलाई राहत हुने आशा सामाजिक अभियन्ता भट्टले राखेका छन् ।