कञ्चनपुरको  बेदकोट नगरपालिका २ बसन्थलामा बिहेको भोज खाएपछि बिरामी हुनेको संख्या ३४ पुगेको छ । वेदकोट नगरपालिका वडा नम्बर २ बसन्तथलाका स्थानीयको गाउँमै विवाहको भोज खाएका थिए । बेदकोट नगरपालिकाका मेयर अशोक कुमार चन्दको नेतृत्वमा  बिरामी परेका ३४ जनालाई उपचारका लागि महाकाली अस्पताल पुर्याइएको हो ।

उनले  बिरामी परेका  २९ जनालाई अस्पताल राती नै अस्पताल पु¥याएको र शनिवार बिहान थप ५ जनालाई अस्पताल पुर्याइएको बताए । 
नगर प्रमुख चन्दका अनुसार बिहे भोज खाएका सबै बिरामी परेका हुन । ३४ जना अस्पतालमा रहेको र अरु केहीले घरमै नजिकैको क्लिनिकबाट औषधी लिएको बताए ।

उनीहरुमा ज्वरो आउने, पखाला र वान्ता लाग्ने समस्या देखिएपछि सबैको महाकाली अस्पतालमा उपचार भइरहेको छ । उनीहरुलाई फूड प्वोइजन भएको र अहिले उनीहरुको अवस्था सामान्य रहेको बुझिएको छ ।