बुहारीलाई माइतबाट ल्याउन गएका कैलालीका एक पुरुष मृत अवस्थामा भेटिएका छन् । कैलालीको घोडाघोडी-१० नगरपालिका घर भएका ५० वर्षीय मानबहादुर सिंह बैतडीको मेलौली नगरपालिका ३ ढणौनमा मृत अवस्थामा फेला परेका हुन ।

दशैंमा माइत गएकी आफ्नी बुहारीलाई घर बोलाउन मेलौली पुगेका सिंहको शव जंगलमा फेला परेको जिल्ला प्रहरी कार्यालय बैतडीका नायव उपरीक्षक नारायणप्रसाद अधिकारीले बताए । सिंहले आत्महत्या गरेको भनिएतापनि मृत्युको कारण खुल्न नसकेको उनले बताए । 

मृतकका आफ्न्त जिल्ला पुगेकाले घटना सम्बन्धि अनुसन्धान भइरहेको प्रहरीले जनाएको छ । अहिले मृतकको शव परीक्षणका लागि जिल्ला अस्पतालमा राखिएको छ ।