सुदूरपश्चिम प्रदेशमा कोरोना संक्रमितको संख्या १० हजार नाघेको छ । बुधबार प्रदेशका ३ वटा प्रयोगशालामा गरिएको परीक्षणमा ६४ जना थपिएसँगै संक्रमितको संख्या १० हजार नाघेको हो ।

स्वास्थ्य तथा जनसंख्या मन्त्रालयका अनुसार सुदुरपश्चिममा हालसम्म कोरोना संक्रमितको संख्या १० हजार ९ पुगेकोे छ । तर सुदूरपश्चिमको सामाजिक विकास मन्त्रालयले भने संक्रमितको संख्या ९ हजार ६ सय ९३ मात्र पुगेको जनाएको छ । 

मन्त्रालयले सुदूरपश्चिम घर भई प्रदेश बाहिर बसोबास गर्नेहरुको संख्या समेत उल्लेख गर्दा संघीय सरकारको तथ्यांक बढी देखिएको दावी गरेको छ । बुधबार कैलालीका ४५ सहित थप ६४ जनामा संक्रमण पुष्टि भएसँगै संक्रमितको संख्या १० हजार नाघेको हो ।