सुदूरपश्चिममा डेढ हजार जना कोरोनाका संक्रिय संक्रमित रहेका छन् । प्रदेशका ९ वटै जिल्लामा १ हजार ५ सय ४ जना सक्रिय संक्रमित रहेको सुदूरपश्चिम प्रदेश स्वास्थ्य निर्देशनालय दिपायलले जनाएको छ ।

सबैभन्दा बढी कैलालीमा ७ सय २२ जना सक्रिय संक्रमित रहेका छन् । दार्चुलामा १ सय ९८, बझाङमा १ सय ८०, डोटीमा १ सय २७, कञ्चनपुरमा ८०, अछाममा ७९, डडेल्धुरामा ५७ र बाजुरामा ७ जना सक्रिय संक्रमित रहेको स्वास्थ्य निर्देशनालयले जनाएको छ । सुदूरपश्चिममा हालसम्म नौ हजार नौ सय ८७ जना कोरोना संक्रमित पुगेका छन् ।