सुदूरपश्चिममा पहिलो पटक परम्परागत संस्कार अनुसार कोरोना संक्रमणबाट मृत्यु भएका पुरुषको अन्त्येष्टि गरिएको छ । कोरोना संक्रमणबाट मृत्यु भएका टीकापुर नगरपालिका वडा नम्बर १ का ५० वर्षीय पुरुषको परम्पराअनुसार दाहसंसकार गरिएको स्थानीय प्रशासनले जनाएको छ ।

जिल्ला प्रशासन कार्यालय कैलालीका सूचना अधिकारी शिवराज जोशीले स्वास्थ्य सुरक्षाका मापदण्डको पालन गर्दै नेपाली सेनाको भवानी दल गणको समन्वयमा संक्रमणबाट मृत्यु भएका पुरुषको परम्परा अनुसार अन्त्येष्टि गरिएको जानकारी दिए ।

ती पुरुषको दौलतपुर घाटमा शव जलाएर अन्त्येष्टि गरिएको जोशीले बताए ।