मोटरसाइकलको ठक्करबाट डोटीमा एक जनाको ज्यान गएपछि बन्द गरिएको राजमार्ग खुलेको छ । मङ्गलबार बिहान मोटरसाइकलले ठक्कर दिँदा दिपायल सिलगढी नगरपालिका ४ को पिपल्लाकी ७० वर्षीया टिकेश्वरी विकको ज्यान गएपछि मृतकका आफन्तले गरेको डा. केआईसिंह राजमार्गमा पर्ने पिपल्ला बजार बन्द गरेका थिए ।

ठक्कर दिने मोटरसाइकल चालक परार भएपछि पीडित पक्षले उचित क्षतिपूर्तिको माग गर्दै मङ्गलबार बिहान ११ बजेदेखि राजमार्ग बन्द गरेका थिए । मोटरसाइकल धनी कैलालीका शुवास अधिकारीलाई कैलाली प्रहरीले नियन्त्रणमा लिएपछि बन्द खुलेको हो ।

राजमार्ग खुलेपछि दिपायलको पिपल्लामा रोकिएका सवारीसाधन तथा यात्रुहरु अहिले आ–आफ्नो गन्तव्यतिर लागेका छन् । विकलाई से ५ प ९४६९ नम्बरको मोटरसाइकलले ठक्कर दिँदा उपचारका क्रममा शैलेश्वरी अस्पताल दिपायल पिपल्लामा ज्यान गएको थियो ।