कैलालीमा मोटरसाइकल दुर्घटना हुँदा ज्यान गुमाएकी महिलाको सनाखत भएको छ । जिल्लाको लम्कीचुहा नगरपालिका वडा नम्बर ३ गोराङ्गेमा गएराति ८ बजेतिर पूर्वबाट पश्चिमतर्फ आउँदै गरेको से ४ प ९२५६ नम्बरको मोटरसाइकलले ठक्कर दिँदा एक महिलाको मृत्यु भएको थियो ।

अछामको कमलबजार नगरपालिका वडा नम्वर १० घर भई हाल लम्कीचुहा नगरपालिका वडा नम्वर ४ बस्दै आएकी रामे देवकोटाकी श्रीमती भुनी रोकायाको मृत्यु भएको जिल्ला प्रहरी कार्यालय कैलालीका प्रहरी निरिक्षक दानवहादुर रोकायाले बताए ।

ठक्कर दिने मोटरसाइकल र चालक ३६ वर्षीय प्रेम साउदलाई नियन्त्रणमा लिईएको प्रहरी प्रवक्ता बिष्टले जानकारी दिए ।