कञ्चनपुरमा एक जना जनप्रतिनिधि मृत अवस्थामा फेला परेका छन् ।  बेलडाँडी गाउँपालिका वडा नम्बर ५ का वडाध्यक्ष ५५ वर्षीय कृष्ण बहादुर रोकायाको रुखमा झुण्डिएको अवस्थामा भेटिएको जिल्ला प्रहरी कार्यालय कञ्चनपुरका डिएसपी अमर थापाले बताए ।

वडाध्यक्ष रोकायाको शव घर नजिकैको मन्दिर छेउको रुखमा झुण्डिएको अवस्थामा फेला परेको प्रहरीले जनाएको छ । घटनास्थल मृतक वडाध्यक्षको घरबाट एक किलोमिटरको दुरीमा छ ।  बिहान ७ बजेतिर घरबाट निस्किएका वडाध्यक्ष रोकाया बेलडाँडी गाउँपालिका–५ स्थित बाबाथान मन्दिर नजिकै रुखमा प्लाष्टिकको डोरीले झुण्डिएको अवस्थामा भेटिएका हुन् ।

अहिले जिल्ला प्रहरी कार्यालय कञ्चनपुरका डिएसपी थापाको प्रहरी टोली घटनास्थल पुगेको छ ।