कञ्चनपुरमा घरको छतबाट खसेर एक जनाको मृत्यु भएको छ ।  गएराति साढे १० बजेतिर जिल्लाको कृष्णपुर नगरपालिका वडा नम्बर ५ गुलरियामा आफ्नै घरको छतबाट  खसेर ५० वर्षीय गणेश राज ओझाको मृत्यु भएको जिल्ला प्रहरी कार्यालय कञ्चनपुरका प्रहरी प्रवक्ता प्रहरी नायव उपरीक्षक अमर थापाले बताए । 

छतबाट खसेर गम्भीर घाइते भएका ओझालाई उपचारका लागि धनगढी स्थित माया मेट्रो अस्पताल ल्याइएको र उनको उपचारकै क्रममा राति सवा ११ बजे मृत्यु भएको प्रवक्ता थापाले जानकारी दिए । उनका अनुसार मृतक ओझा नेपाल प्रहरीका भुतपूर्व हवल्दार हुन् । 

Edit Ad