कैलालीको फल्टुडेबाट प्रहरीले मदिरा बरामद गरिएको छ । प्रहरीले मदिरा बोक्ने ट्रक नियन्त्रणमा लिएको छ । धनगढीबाट मदिरा लगेर जोगबुढा जादै गरेको से १ ख १३७० नम्बरको ट्रकलाई फल्टुडे प्रहरीले नियन्त्रणमा लिएको हो ।

ट्रकबाट एक लाख ८ हजार बराबरको मदिरा बरामद गरिएको ईलाका प्रहरी कार्यालय फल्टुडेले जनाएको छ । सिमेन्ट सरिया बोकेको ट्रकमा मदिरा पनि लुकाई छिपाई लगिरहेको अवस्थामा मदिरा बरामद गरिएको ईलाका प्रहरी कार्यालयका प्रमुख प्रहरी निरीक्षक माधव बिश्वकर्माले बताए ।

यस्तै मदिरा व्यवसायी तेज बहादुर बोहरा र चालक खगेन्द्र साउँदलाई पक्राउ गरिएको छ । उनीहरुलाई आवश्इक कारवाहीका लागि जिल्ला प्रहरी कार्यालय कैलाली पठाईएको छ ।