नयाँ स्वादका  पारखीका लागि कैलालीको धनगढीमा ‘चिकेन स्टेशन’ सञ्चालनमा आउने भएको छ । जिवन बिमा क्षेत्रमा लामो समयदेखि कार्यरत तथा सामाजिक कार्यमा सक्रिय युवा मदन भट्ट र पुष्प पडालले झण्डै एक करोडको लगानीमा ‘चिकेन स्टेशन’ सञ्चालन ल्याउने भएका हुन् । पडालसंग भारतको पाँच तारे ताज होटलमा काम गरेको अनुभव छ । सुदूरपश्चिममै पहिलोपटक ‘फ्रेञ्चाइज आइटम’ पस्किने तयारी रहेको सञ्चालकमध्येका भट्टले जानकारी दिए ।

मुख्यतः काठमाडौँबाट सञ्चालित ‘चिकेन स्टेशन’ सुदूरपश्चिममा विस्तार गर्ने लक्ष्यका साथ आफूहरुले धनगढीमा शाखा विस्तार गर्ने तयारी भएको उनले बताए । चिकेन स्टेशनमा ३० वटाभन्दा बढी प्रकारका कुखुराको परिकार पाइने भट्टले बताए । अबको केही महिनाभित्रै स्टेशन सञ्चालनमा आउनेछ । होम डेलिभरीको सुविधासमेत रहनेछ । चिकेन स्टेशनका नेपालमा ४० शाखा छन् ।