बलात्कारपछि हत्या गरिएकी बैतडी दोगडाकेदार गाउँपालिका—७ चडेपानीकी १७ वर्षीया किशोरी भागरथी भट्टको शव अझै अस्पतालमै राखीएको छ । उनका आफन्तले हत्यारा पक्राउ नपरेसम्म शव नबुझ्ने अडान लिएका छन् ।

सोमवार पोष्टमार्टम रिपोर्ट आएपछि प्रहरीले भट्टको शव बुझ्न परिवारजनसंग आग्रह गरेको थियो । घट्नाको ७ दिन बित्दा पनि हत्यारा पक्राउ नपरेको भन्दै मृतकका आफन्त जनले शव बुझ्न अस्वीकार गरे ।

मृतक भट्टका काका शिवराज भट्टले हत्यारा पक्राउ नपरेसम्म शव नउठाउने बताए । मृतक भागरथीको शव बैतडी अस्पतालको शव गृहमा राखिएको छ ।

सनातन माध्यामिक विद्यालयमा कक्षा १२ मा अध्ययनरत १७ वर्षीया भागरथी भट्टको बलात्कारपछि हत्या भएको थियो । बुधबार विद्यालय गएकी भारगरथीको बिहीबार साँझ गाउँ नजिकको वनमा शव फेला परेको थियो ।