कैलालीका व्यवसायीहरुले व्यापारी पक्राउको विरोध गरेका छन् । लकडाउनको उल्लंघन गर्दै तीन जना व्यापारीलाई प्रहरीले समातेपछि त्यसको विरोध गरिएको हो ।

व्यापारीहरुले जिल्ला प्रहरी कार्यालय अगाडी प्रदर्शन समेत गरेका थिए । समातिएका व्यापारीहरुलाई कैलाली उद्योग वाणिज्य संघको पहलमा छोडिएपछि व्यवसाय कसरी सञ्चालन गरिने भन्ने विषयमा छलफल समेत भएको छ ।

स्थानीय प्रशासन र प्रहरीलाई नियम बनाएर सोही अनुसार व्यवसाय सञ्चालन गर्न दिन व्यवसायीहरुले माग गरेका छन् । नियम बनाएमा आफुहरु त्यसको पालना गर्न तयार रहेको कैलाली उद्योष् वाणिज्य संघका महासचिव ओम बिष्टले जानकारी दिए ।