धनगढी स्थित प्रभु बैंक लिमिटेडले सामाजिक उत्तरदायित्व अन्तरगत प्रहरीलाई कोभिड-१९ बाट सुरक्षित रहन स्वास्थ सामाग्री हस्तान्तरण गरेको छ ।

बैंकका क्षेत्रीय प्रबन्धक नन्दराज जोशी र धनगढी स्थित बैंकका म्यानेजर रबि जोशीले संयुक्त रुपमा सुदुरपश्चिम प्रदेश प्रहरी प्रमुख प्रहरी नायब महानिरीक्षक उत्तमराज सुबेदीलाई स्यानेटाइजर, सर्जिकल मास्क र लेमिनेशन ग्लोब्स हस्तान्तरण गरेका छन ।

धनगढी स्थित शाखाले करिब पचास हजार रुपैया बराबरका सेनिटाइजर १०० एमएलको १५० पिस, सर्जिकल मास्क १ हजार ४०० पिस र लेमिनिशन ग्लोब्स २ हजार पिस हस्तान्तरण गरिएको शाखाका म्यानेजर जोशीले बताए ।